Adhoora

Somewhere in maharashtra;

Sept 5;2015

Mein hamesha usi ke sath khelta tha,ammi kathte they uske ghar pine ko pani tak nahi hai |

To kabhi kabhi ammi usey hamare ghar hi khana khila deti thi,magar bina kisiko bataye..;tab nahi pata tha par aaj maalum hai kyo ammi usey bhi kahti thi ki ghar jakar apne baabu ji ko mat batana ki usne hamare sath khana khaya….ye silsila kafi dino tak bina hickichahat chalta raha |

Sukha din_b_din aur sukhta jaa raha tha | gaav ke log palayan karne ki nobat par they to ek din “chumki” rote rote hamare ghar aayi…

Badi masoom lagti thi wo rote huye bhi,boli uske baabu ji kah rahe they ab wo hum sabko lekar shahar chale jayenge,kabhi nahi khel paungi mein apke sath…itna kahkar wo meri taraf dor kar aakar kuch kadam par ruk gayi or apni mutthi me band wo chota sa purana khilona dikhaya jo mujhse kahi gum ho gaya tha;wo hum dono ka pasandida khilona tha par aaj pata chal wo khilona usey jyada pasand tha |

Bade pyar se bhare huye gale se boli “ye lo mene hi chipa diya tha”

Mene usey apne gale se lagakar usey wo khilona apne hi pas rakhne ko kaha |

Muskura kar chumki ne apni dhundhli aankho or bahati naak ko saaf kar kaha mithai lekar aaungi is diwali  par aap sab ke liye;..jis tarah wo pichle 2 saal se hamare liye laya karti thi |

NEXT DAY

Merw pero se dhool piche chooth rahi thi,mein bina pero mein kuch pahne chumki ke ghar ki taraf bhaag raha tha |

Logo ki bheed or police ka jaabta mere andar ke majboot rakhe kaleje ko tod raha tha..naa chahte huye bhi mein bheed me aage jane ki koshish kar raha tha..or

Chumki ke ghar ke bahar lage ped se chumki ke sabhi ghar waley ; uske baabu ji;chutka;lalva;aur prasad jo chumki se bhi chota tha ;Bus zameen unke pero se kuch inch hi door thi |

Sach me…zameen unke pero se jara si door thi or sab kuch chooth gaya |

Ajib si khamosi thi us jagah jo bachho ke khelne ke aangan se ab vaardat ki jagah ban chuka tha par meri nazar 

“chumki ki mutthi me band us khilone par hi thi”
By

Kuldeep choudhary; 

On tragic maharashtra drought 2015

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s